प्रजोल कुमार मगर तिनपाटन
सिन्धुली / नेपाल मगर संघ तीनपाटन गाउँपालिका समितिको आयोजनामा मगर समुदायको महान चाड माघे सङ्क्रान्ति (माघ्या सकराटी) को पावन अवसरमा शुभकामना आदान–प्रदान तथा बृहत् सांस्कृतिक कार्यक्रम भव्य रूपमा सम्पन्न भएको छ।
कार्यक्रम नेपाल मगर संघ तीनपाटन वडा नं. ९ का सभाध्यक्ष टेकबहादुर लामिछानेको अध्यक्षता मा सम्पन्न भएको हो। कार्यक्रममा नेपाल मगर संघ केन्द्रीय समितिका सह–अध्यक्ष गङ्ग्गा बहादुर मगर प्रमुख अतिथि रहनुभएको थियो।
त्यसैगरी तीनपाटन गाउँपालिकाका अध्यक्ष कर्णबहादुर थापा विशिष्ट अतिथि रहनुभएको कार्यक्रममा गाउँपालिका उपाध्यक्ष धनबहादुर पुलामी मगर, नेपाल मगर संघ जिल्ला समिति अध्यक्ष सरोज पुलामी मगर, प्रदेश समिति सदस्य भद्रा मगर, झगरसिंह आले मगर, कलाघर सिन्धुलीका अध्यक्ष तथा नेपाल मगर संघ बागमती प्रदेश महासचिव सुमन थापा मगर, नेपाल मगर सांस्कृतिक संघ जिल्ला अध्यक्ष सञ्चिता थापा मगर, जिल्ला समिति सदस्य नरेन्द्र ल्हायो मगर तथा प्रजोल मगर लगायतको आतिथ्यता रहेको थियो।
कार्यक्रममा राष्ट्रिय कला सङ्ग्रालय कलाघर सिन्धुली परिवार, स्थानीय कलाकारहरू तथा मगर समुदायका आमाबुवा, दाजुभाइ, दिदीबहिनीहरू साथै गैर–मगर समुदायका दाजुभाइ दिदीबहिनीहरूको उल्लेखनीय सहभागिता रहेको थियो। सांस्कृतिक प्रस्तुतीहरूले कार्यक्रमलाई थप आकर्षक बनाएको थियो।
कार्यक्रममा उपस्थित सम्पूर्ण अतिथिहरू, कलाकारहरू तथा दर्शकहरूलाई निम्तो स्वीकार गरी उपस्थित भई कार्यक्रम सफल बनाइदिएकोमा नेपाल मगर संघ तीनपाटन वडा नं. ९ कार्यसमितिप्रति आयोजकले धन्यवाद तथा आभार व्यक्त गरेका छन्।
