प्रतिमा दियाली
दुधौली / सिन्धुलीको दुधौली नगरपालिका वडा नँ १३ मा नयाँ सडक विस्तारको काम भईरहेको छ । वडा नँ १३ को विभिन्न ग्रामीण भेगमा सडक विस्तार भएको हो ।
दुधौली १३ मन्वा स्थित पाखाटोल बाट बिमिरे हुदै गु्जुरात सम्म र सिन्धुली कटारी सडक अन्तर्गत रमाइलो डाडा देखी माथिल्लो हेतामटोल सम्म नयाँ सडक विस्तार गरिएको छ । पाखाटोल, बिमिरे हुदै गुरात सम्मको १२ सय मिटर लामो सडक बाट ३५ घरधुरी लाभान्वित भएका छन्। यस्तै सिन्धुली कटारी सडक अन्तर्गत २ सय मिटर लामो सडक बाट ६ घर लाभान्वित भएका छन् ।
सडक विस्तार नहुदा आवत जावत गर्ने समेत समस्या भएको ,उत्पादित नगदे बालीहरू अदुवा,अम्रिसो निर्यात गर्न असहज भएको र खाद्य सामाग्री ढुवानी गर्न असहज भएको भन्दै स्थानीयले सडक विस्तारको माग राख्दै आएको दुधौली नगरपालिका नेकपा माओवादी केन्द्र १३ नं वडा कमिटी अध्यक्ष विक्रम आले मगरले बताउनुभयो । वर्षा लागेतापनि भूक्षय हुने जमिन नभएकाले सडक विस्तार भएको भूभाग लाई मध्ये नजर गरेर प्राविधिक स्टमेट अनुसार सानो बाटो निर्माण गरेको उहाँले बताउनुभयो ।
दुधौली नगरपालिकाको आर्थिक सहयोग तथा दुधौली नगरपालका १३ नं वडाको आयोजनामा सडक विस्तार भएको छ । लागत यति नै भनेर अनुमान गर्न नसकिने सडक निर्माणको लागत स्टमेट रहेर नगरपालिकाले बजेट छुट्याउने वडा कमिटी अध्यक्ष मगरले बताउनु भयो ।
सडक विस्तार पछि खुसी हुदै उत्पादित वस्तु विक्री गर्न र आवश्यक वस्तु आयात गर्न सहज हुने स्थानीयको भनाई छ । सडक निर्माणले दुधौली बजार लगायत नगरपालिका जाने बाटो छोटो हुने र सहज हुने उनीहरूको भनाई छ ।
