गुणमाया मगर
दुधौली / जननिर्वाचित पहिलो संविधान सभाबाट २०६५ जेठ १५ गते निरङ्कुश राजतन्त्रको विधिवत् अन्त्य गर्दै नेपालमा सङ्घीय लोकतान्त्रिक गणतन्त्रात्मक शासन व्यवस्था प्रारम्भको घोषणा भएको थियो । यसै अवसरमा आज सिन्धुलीको दुधौली नगरपालिकाका विभिन्न स्थानहरूमा विभिन्न कार्यक्रमको आयोजना गरी गणतन्त्र दिवस मनाएका छन् ।
यसै अवसरमा दुधौली नगरपालिका ४ को कार्यालयले बिहानै सरसफाइ कार्यक्रम गरी यो दिवस बनाएका छन् । वडा नम्बर ४ का वडा अध्यक्ष रित बहादुर विश्वकर्माको संयोजकत्व र सकृयतामा वडाका टोल सुधार समिति, विद्यार्थी, विभिन्न दलका पार्टी प्रतिनिधिहरूको विशेष उपस्थितिमा सरसफाइ कार्यक्रम भएकाे थियो । यता यसै दिवसको उपलक्षमा दुधाौली नगर अस्पताल दुधौली ५ सिर्थौलीको आयोजनामा सशस्त्र प्रहरी दुधौलि, वडा नम्बर ५ सिर्थौली जनपथ प्रहरी दुधौलि ५ सिर्थौली वडा नँ ५ को वडा सदस्यहरू वडा नँ ५ को राजनीतिक दलहरू र समाजसेवी स्वास्थ्यकर्मीको उपस्थितिमा अस्पताल परिसरमा सरसफाइ कार्यक्रमको आयोजना भएको छ ।
नेकपा माओवादी केन्द्रद्वारा दुधौलीमा गणतन्त्र दिवसको अवसर पारेर दुधौलि नगर हस्पिटल सिर्थौलीमा भर्ना भएर उपचार गरि रहनु भएका बिरामीहरूलाई सान्तोना स्वरूप फल फुल र बिरामी प्रति सु स्वास्थ लाभको कामना गर्दे भेटघाट गरी मनाएको छ ।
नेपाल कम्युनिस्ट पार्टी एमाले दुधौली नगर कमिटीको आयोजनामा १८ औँ गणतन्त्र दिवसको अवसरमा पालिकाको मुख्य बजारमा दीप प्रज्वलन एवम् शुभकामना कार्यक्रमको आयोजना गरेको छ । यसै अवसरमा अखिल (क्रान्तिकारी) दुधौली नगर कमिटीद्वारा पनि एक कार्यक्रमको आयोजना गरी द्विप प्रज्वलन तथा सहिदको शालिकमा माल्यार्पण कार्यक्रम गरेको छ ।
जनआन्दोलन ०६२ र ६३ को जगमा गणतन्त्र घोषणा भएको दिनको स्मरणमा हरेक वर्ष जेठ १५ गते देशभर गणतन्त्र दिवस मनाइन्छ ।
राज्यको सम्पूर्ण शक्ति जनतामा निहित हुने गरी सङ्घीय लोकतान्त्रिक गणतन्त्रात्मक शासन व्यवस्था प्रारम्भ भएको दिनलाई गणतन्त्र दिवसको रूपमा मनाइँदै आइएको छ। यस दिनलाई निरङ्कुश एकात्मक राजतन्त्रको विधिवत् अन्त्य गर्दै मुलुकमा सङ्घीय लोकतान्त्रिक गणतन्त्रात्मक शासन व्यवस्था प्रारम्भ घोषणा भएको दिनलाई गणतन्त्र दिवसको रूपमा मनाइँदै आइएको छ।
