दुधौली एफ.एम. सम्वाददाता
सिन्धुली, जेष्ठ १३
सिन्धुलीको दुधौली नगरपालिकाले पूर्ण खोप सुनिश्चितता तथा दिगो ना घोषणा समारोह सम्पन्न गरेको छ । सिन्धुली जिल्लाको स्थानीय तहको रूपमा पाँचौँ पूर्ण खोप पालिकाको रूपमा दुधौली नगरपालिका आधिकारिक रूपमा घोषणा भएको हो ।
नियमित खोप लगाई रहेका बालबालिकाहरू मध्यबाट विभिन्न कारणले छुटेको १ सय १४ जना बालबालिकालाई खोजी गरि खोप सम्पन्न गरेर दुधौली पूर्ण खोप सुनिश्चित पालिकाको रूपमा घोषणा भएको स्वास्थ्य शाखा दुधौलीका शाखा प्रमुख जगदीश मण्डलले बताउनु भयो । “भौगोलिक बिकटता सँगै विभिन्न धार्मिक तथा पुरातन सोचका कारण खोप लगाउनबाट वञ्चित बालबालिकाहरूलाई कन्भिन्स गरी खोप लगाउनु सफल भएका हौ ।” शाखा उप–प्रमुख तिल्केश्वर यादवले बताउनु भयो ।
“स्थानीय स्वामित्व र सहभागिता, पूर्ण खोप सुनिश्चिततामा हाम्रो प्रतिबद्धता” भन्ने नारासहित नगरपालिकाले एक भव्य कार्यक्रमको आयोजना गरी पूर्ण खोप सुनिश्चितता घोषणा गरेको हो । कार्यवाहक नगर उप प्रमुख चन्द्र किशोर थारूको सभा अध्यक्षता तथा जिल्ला समन्वय समिति सिन्धुलीका अध्यक्ष कारसाङ लामा प्रमुख अतिथि पालिकाको सभा हलमा कार्यक्रम सम्पन्न भएको थियो ।
कार्यक्रममा जिल्ला जनस्वास्थ्य कार्यालयका प्रमुखका साथै कर्मचारीहरू , नगरपालिका अन्तर्गतका सबै १४ वडाका अध्यक्ष, प्रमुख प्रशासकीय अधिकृत दिनेशराज पन्त, स्वास्थ्य चौकी दुधौलीका प्रमुख तथा अन्य सरोकारवालाहरूको उपस्थिति थियो।
कार्यक्रममा खोप निःशुल्क, सुरक्षित र जीवन रक्षक हुने सन्देश दिदै रोग लाग्नु भन्दा पहिलेै रोग लाग्न नदिनु बुद्धिमानी भएको औँल्याउनु भएको थियो । साथै, पूर्ण खोप सुनिश्चिततामा योगदान पु¥याउने स्वास्थ्यकर्मीहरूलाई खादा, माला र प्रशंसा पत्रद्वारा सम्मान गरिएको थियो।
कार्यक्रम लाई सम्बोधन गर्नु हुदै कार्यवाहक नगर प्रमुख थारूले सबैको साथ सहयोग र एकताको भावनले सफलता मिलेको यो उचाई लाई कहिलै पनि सय बाट उनन्सय हुन नदिन सबैमा आग्रह गर्नु भयो ।
दुधौली नगरपालिका बालबालिकाको पूर्ण खोप सुनिश्चित गरी जनस्वास्थ्यमा उदाहरणीय उपलब्धि हासिल गरेको आयोजक पक्षको भनाइ छ । कार्यक्रमका सम्पूर्ण वक्ताहरूले स्वास्थ्य क्षेत्रमा पालिकाले उल्लेख्य फड्को मारेको भए पनि साक्षरता घोषणा जस्तो घोषणा मै मात्र सीमित नरहन सुझाएको थियो ।
