दुधौली एफ.एम. संवाददाता, दुधौली
दुधौली नगरपालिका वडा नं. ६ मा आर्थिक वर्ष २०८१/०८२ को बजेटबाट विभिन्न विकास निर्माण तथा सेवा प्रवाहका कार्यक्रमहरू तिव्र रुपमा अगाडि बढिरहेका छन्। वडाध्यक्ष कमानसिंह आले मगरको सक्रियता, जनप्रतिनिधिहरूको समन्वय र टोल सुधार समितिहरूको सहभागिताका कारण वडामा उल्लेखनीय प्रगति भएको हो।
वडाध्यक्ष आलेका अनुसार, यस वर्षका अधिकांश शीर्षकगत योजना कार्यान्वयन भइसकेका छन्। सडक, शिक्षा, स्वास्थ्य, कृषि, खानेपानी, वातावरण संरक्षणदेखि विपद् व्यवस्थापनसम्मका क्षेत्रमा बहुआयामिक विकास भएका छन्।
मुख्य सम्पन्न योजना र उपलब्धिहरू
सडक ढलान
वडाभित्र करिब १,४०० मिटर सडक ढलान कार्य सम्पन्न, जसमा समावेश छन्:
- भताही स्कुलसम्म – ४८८ मिटर
- माथिल्लो भताही गणेश टोल हुँदै – १५० मिटर
- दुघरिय तीनतले – २०० मिटर
- जनजागरण मावि स्कुल परिसर – २५० मिटर
- चित्र टोल – १५० मिटर
- चमेली टोल – २०० मिटर
- कुलपूजा कार्की मार्ग – १०० मिटर
शिक्षा सुधार
- विद्यालयहरूमा कम्प्युटर तथा डान्स शिक्षकको नियुक्ति गरी गुणस्तरीय शिक्षामा सुधार।
- वडा नं. ६ लाई बालमैत्री वडा घोषणा, ७५५ सूचक तथा चरणहरू सफलतापूर्वक पूरा।
संस्कृति र धार्मिक संरचना
- गुम्बामा घेराबेरा तथा ट्रस निर्माण कार्य सम्पन्न।
पर्यावरण संरक्षण
- अठीनगरे खहरे, रिचार्ज पोखरी, सामुदायिक वन, ढोडानी खहरे जस्ता क्षेत्रहरूको संरक्षण।
- वातावरणीय संरक्षणमा करीब २ करोड रुपैयाँ बराबरको काम सम्पन्न।
सहकारी सशक्तीकरण
- सहकारी संस्थामा आवद्ध महिलाहरूलाई उद्घोषण तालिम।
- सहकारी भवनको घेराबेरा तथा भुइँ ढलान कार्य सम्पन्न।
सार्वजनिक पूर्वाधार
- कमला करिडोर अन्तर्गत भताही–लालभित्ती क्षेत्रमा सुधार कार्य।
- भताही, हिमाली, हर्षाही, जगाडी चौकहरूमा प्रतिक्षालय निर्माण।
सिँचाइ सुविधा
- कृषकहरूलाई निःशुल्क नहरमार्फत सिँचाइ सुविधा उपलब्ध।
कृषि तालिम तथा उत्पादन प्रवर्द्धन
- ८ वटा कृषि समूह गठन।
- वडा स्तरीय कृषि तालिम सञ्चालन।
विपद् व्यवस्थापन
- २४ सै घण्टा आपत्कालीन सामग्री तथा मेसिन उपकरण तयारी अवस्थामा राखिएको।
खानेपानी सुधार
- विभिन्न स्थानमा इनार तथा ट्याङ्की निर्माण गरी खानेपानी सेवा सुधार।
स्वास्थ्य सेवा
- टोल–टोलमा स्वास्थ्य शिविर सञ्चालन गरी स्थानीयलाई प्रत्यक्ष लाभ।
वडाध्यक्ष आले मगरले आगामी दिनमा अझ प्रभावकारी योजनाहरू अगाडि बढाउने प्रतिबद्धता व्यक्त गरेका छन्। स्थानीयवासीहरूले वडामा भएका प्रगतिशील विकास कार्यहरूको प्रशंसा गर्दै यसलाई सकारात्मक रूपमा लिएका छन्।
