दुधौली एफ.एम. सम्बाददाता
१२ असार २०८२
राष्ट्रिय स्वतन्त्र पार्टी (रास्वपा)द्धारा दुधौलीमा आज समितिद्वारा ऐक्यबद्धता जनाउँदै ३०० जनाको हस्ताक्षर कार्यक्रम सम्पन्न गरेको छ ।
आज बिहिवार रास्वपा दुधौली नगर समितिको आयोजनामा रास्वपाका सभापति एवं सांसद रवि लामिछानेमाथि भइरहेको भनिएको राजनीतिक प्रतिशोधको विरोधमा हस्ताक्षर अभियान सम्पन्न भएको छ । दुधौली बजारमा दिउँसो २ बजेदेखि साँझ ६ बजेसम्म सञ्चालन गरिएको सो कार्यक्रममा स्थानीय सर्वसाधारण, व्यापारी, युवा तथा विभिन्न पेसामा आबद्ध नागरिकहरूको उल्लेखनीय सहभागिता रहेको रास्वपा दुधौलीले जनाएको छ । कार्यक्रममा करिब ३०० जनाले हस्ताक्षर गर्दै रवि लामिछानेमाथिको राजनीतिक आक्रमणको विरोधमा ऐक्यबद्धता जनाएका छन् । नगर समितिले उक्त अभियान सफल बनाउन सहयोग गर्ने सम्पूर्ण जनसमुदायप्रति हार्दिक कृतज्ञता व्यक्त गरेको छ।
संसद्को चौथो दल राष्ट्रिय स्वतन्त्र पार्टी (रास्वपा)ले आफ्नो तेस्रो स्थापना दिवसका अवसरमा सभापति रवि लामिछानेविरुद्ध भएको भनिएको राजनीतिक प्रतिशोधको विरोधमा हस्ताक्षर अभियान सुरु गरेको हो । स्थापना दिवसको दिन बसेको केन्द्रीय समिति बैठकले सभापति रविमाथिको राजनीतिक प्रतिशोधविरुद्ध हस्ताक्षर अभियान चलाउने निर्णय लिएको थियो । सोहीअनुसार रास्वपा दुधौलीले दुधौलीको मुख्य बजार दुधौलीबाट दिउँसो औपचारिक रूपमा अभियान सुरु गरेको हो ।
पार्टीका दुधौली नगर समिति दुधौली १० का वडा सभापति तथा युवा व्यवसायी तारा बहादुर श्रेष्ठ कुमारले बताउनु भयो उहाँका अनुसार देश–विदेशमा रहेका नेपालीले अभियानमा अनलाइन वा अन्य माध्यमबाट जोडिएर समर्थन जनाउन सकिने रास्वपा दुधौलीले जनाएको छ
