दुधौली इफ.एम. सम्वाददाता
दुधौली नगरपालिका १४ स्थित भौरीका, महिला कृषि समूहका सदस्यहरु द्वारा उद्धपादित तरकारी खेती र गोठ सुधार अन्तर्गतको योजना, दुधौली नगरपालिका र हेफर इन्टरनेसनल नेपालको साझेदारीमा भएको कार्यक्रमको अनुगमन गर्नु भयो दुधौली नगरपालिका मेयर श्री दिनेश अधिकारी ज्यू, १४ नं वडा अध्यक्ष श्री भैरब पुलामी मगर ज्यू, हेन्स नेपाल अध्यक्ष श्री बाशु देब अधिकारी ज्यू, लगायत विभिन्न व्यक्तिहरुको सहभागीतामा कार्यक्रम सम्पन्न भयो।
असार २२ गते, शनिबार दुधौली नगरपालिका–१४ को भौरीमा कृषि तथा पशु विकास कार्यक्रम अन्तर्गत अनुगमन सम्पन्न भएको छ । दुधौली नगरपालिकाको आर्थिक तथा प्राविधिक सहयोग र हेफर प्रोजेक्ट नेपालको साझेदारीमा, मानव तथा राष्ट्रिय विकास समाज नेपालको सहजिकरणमा सञ्चालित ‘कृषि तथा पशु विकास र साना किसान तथा युवा उद्यमशीलता कार्यक्रम’ अन्तर्गत परियोजना अनुगमन तथा मूल्यांकन कार्य सम्पन्न भएको हो ।
नगर प्रमुख दिनेश अधिकारीको संयोजकत्वमा गठन गरिएको संयुक्त अनुगमन टोलीमा दुधौली नगरपालिकाका वडा नम्बर १४ का वडा अध्यक्ष, हेफर प्रोजेक्ट नेपालका ठाकुर खड्का, हेण्डस नेपालका अध्यक्ष बाशुदेव अधिकारी दनुवार, कृषि बिकास शाखा दुधौलीका शाखा प्रमुख सिता खतिवडा रहनु भएको थियो । त्यसैगरी अनुगमन कै टोलीमा योजना शाखा दुधौलीका प्रमुख र पशु बिकास शाखाका प्रमुख कुमारी सुन्तला बस्नेत, देउराली कृषि तथा पशु विकास महिला स्वावलम्बी समूहले सञ्चालन गरिरहेको कृषि, पशुपालन, कृषक पाठशाला, खोर, गोठ, घाँसखेती, तरकारीखेती तथा मल्चिङसम्बन्धी गतिविधिहरूको स्थलगत अवलोकन गरेको हो।
अनुगमन टोलीले वडा नम्बर १४ मा सम्पन्न विविध तालिम र कार्यक्रमहरू पनि निरीक्षण गरेको थियो । प्रबिधिकहरुको समयोगमा भौरीका कषकहरुले नै उत्पादन गरेको कृपषबालिको अनुगमन निरिक्षण गर्नु भएको थियो । कृषक पाठशाला संगै टोलिद्वारा सुधारीएको खसिबाख्रा गोठको अनुगान तथा निरिक्षण भएको थियो । कार्यक्रमले समुदायमा देखिएको सकारात्मक परिवर्तन, उद्यमशीलता प्रवद्र्धन तथा कृषकहरूको सशक्तीकरणमा महत्वपूर्ण टेवा पु¥याएको निष्कर्ष टोलीले निकालेको छ।
कार्यक्रमले स्थानीयस्तरमा युवाहरूलाई कृषि तथा पशुपालनतर्फ आकर्षित गराउन थप प्रेरणा मिल्ने विश्वास लिइएको छ।
