दुधौली एफएम सम्बादाता
सिन्धुली / नेकपा एमालेको ११औँ राष्ट्रिय महाधिवेशनका लागि सिन्धुली जिल्लाबाट केन्द्रीय समितिसहित विभिन्न केन्द्रीय निकायमा गरी ८ जनाको उम्मेदवारी परेको छ।
केन्द्रीय समिति खुला तर्फ सिन्धुलीबाट गणेश कुमार पहाडी, सुभाष देवकोटा र प्रदीप कटुवालले उम्मेदवारी दर्ता गराएका छन्। यस्तै बागमती भूगोलतर्फ मनोज जंग थापाको उम्मेदवारी परेको छ भने महिला प्रतिनिधित्वतर्फ निरकुमारी दर्लामी (निरु) उम्मेदवार बनेकी छन्।
यसैगरी, आदिवासी जनजाति क्लस्टरतर्फ विशमलाल अधिकारी दनुवारले उम्मेदवारी दिएका छन्। बागमती प्रदेश युवा क्लस्टरतर्फ भने लालबहादुर बुढाथोकी उम्मेदवार बनेका छन्।
केन्द्रीय समितिबाहेक पार्टीका अन्य महत्वपूर्ण निकायमा समेत सिन्धुलीबाट प्रतिनिधित्व देखिएको छ। केन्द्रीय लेखा आयोग सदस्यमा सिन्धुलीका तारानिधि पोख्रेल र केन्द्रीय अनुशासन आयोग सदस्यमा रणकुमारी बलम्पाकीको उम्मेदवारी परेको छ।
सिन्धुलीबाट एकै पटक केन्द्रीय समिति र आयोगहरूमा उल्लेख्य संख्यामा उम्मेदवारी परेपछि जिल्लाको राजनीतिक उपस्थितिलाई बलियो बनाउने अपेक्षा गरिएको छ। महाधिवेशनमार्फत नेतृत्व चयन भएसँगै पार्टीको आगामी कार्यदिशा र संगठनात्मक संरचना तय हुने जनाइएको छ।
