तरुण दलद्धरा दुधौलीमा माध्यमिक विद्यालय नगर स्तरीय हाजिरीजवाफ प्रतियोगिता हुने

दुधौली एफ.एम. सम्बाददाता
दुधौली, सिन्धुली — नेपाल तरुण दल, नगर कार्य समिति दुधौलीको आयोजनामा र दुधौली नगरपालिका शिक्षा उप–शाखाको समन्वयमा माध्यमिक विद्यालय नगर स्तरीय एकदिवसीय हाजिरीजवाफ प्रतियोगिता २०८२ साल भाद्र २४ गते शनिबार हुने भएको छ ।
आयोजकका अनुसार कमला बहुमुखी क्याम्पस, दुधौलीमा बिहान १०ः३० बजेबाट सुरु हुने प्रतियोगितामा नगर क्षेत्रका माध्यमिक विद्यालयका विद्यार्थीहरूबीच बौद्धिक प्रतिस्पर्धा हुनेछ । दुधौली नगरपालिकाको १४ वटै वडको २५ वटा माध्यमिक विद्यालयका बिध्यार्थीहरुले कार्यक्रममा भाग लिने लक्ष लिएको तरुण दलका निवर्तमान नगर सभापति बिश्वास शाही ठकुरीले जानकारी दिनु भयो । यस कार्यक्रमले विद्यार्थीहरूको ज्ञानवृद्धि, तर्कशक्ति विकास र वर्तमान घटनाक्रमप्रति सजगता बढाउने विश्वास आयोजकले व्यक्त गरेका छन्।
आयोजक नेपाल तरुण दल, नगर कार्य समितिले कार्यक्रममा सरिक भई उपस्थितिको माध्यमबाट कार्यक्रमको शोभा बढाइदिन सबैलाई हार्दिक आग्रह गरेको छ ।