सिन्धुलीका दुधौली नगरपालिका र सुनकोशी गाउँपालिकामा सबैभन्दा कम बेरुजु, सुशासन र पारदर्शिताको नमुना

दुधौली एफ.एम. सम्वाददाता
सिन्धुली, जेठ १ – तीन तहको सरकारमध्ये स्थानीय तहमा हुने खर्चमा अनियमितता र बेरुजुको अवस्था हेर्दा सिन्धुली जिल्लाका केही पालिकाहरूले अनुकरणीय उदाहरण प्रस्तुत गरेका छन्। महालेखा परीक्षकको पछिल्लो प्रतिवेदनअनुसार दुधौली नगरपालिका र सुनकोशी गाउँपालिका जिल्लामै सबैभन्दा कम बेरुजु देखिएको छ।
आर्थिक वर्ष २०८०/०८१ को लेखापरीक्षण प्रतिवेदनअनुसार दुधौली नगरपालिका र सुनकोशी गाउँपालिकाको बेरुजु जम्मा ०.२७ प्रतिशत मात्र रहेको छ। यी दुई पालिका मध्य दुधौली नगरपालिकाले खर्च गरेको कुल बजेटमध्ये ६७ लाख २१ हजार रुपैयाँ बेरुजु देखिएको छ । यता सुनकोशी गाउँपालिकाको पनि कुल खर्च मध्य ३३ लाख २७ हजार बेरुजु रहेको जनाएको छ।
दुधौली नगरपालिकामा अझै कम बेरुजु हुने अनुमान गरिएको थियो तर गत आर्थिक वर्षका केही योजना अन्तर्गत दिइएको पेस्कीको फर्च्यौट नभएकै कारण बेरुजुको प्रतिशत केही बढेको लेखा प्रमुख चुडामणि आचार्यले बताउनु भयो उनका अनुसार , “तीन वटा योजनाको ३७ लाख रुपैयाँको पेस्की फर्च्यौट नभएकै कारण बेरुजु ०.२७ प्रतिशत पुगेको हो।” आगामी दिनमा बेरुजुको आकडा घटाउने प्रयास गर्ने छौ ।
सिन्धुली जिल्लाको अन्य पालिकाहरुको बेरुजु यस्तो छ लाखमा:–
गोलन्जोर गाउँपालिका: २.६४% (जिल्लामै सबैभन्दा बढी) =३२९९४
कमलामाई नगरपालिका: ०.७५% = २४१३९
घ्याङ्लेख गाउँपालिका: १.२०% = ९८६८
तिनपाटन गाउँपालिका: २.०६% = ३८६११
फिक्कल गाउँपालिका: १.४४% = १५६११
मरिण गाउँपालिका: १.८६% = २३७२५
हरिहरपुरगढी गाउँपालिका: १.२७% १३९२६
सुनकोशी र दुधौलीले देखाएको पारदर्शिता, सुशासन र वित्तीय व्यवस्थापनको सुदृढ अभ्यास अन्य पालिकाहरूका लागि पनि उदाहरणीय हुन सक्ने स्थानीय बिज्ञाहरुको भनाई रहेको छ ।