दुधौली एफएम सम्बाददाता
दुधौली / देश भरमा सञ्चालन हुने माध्यमिक शिक्षा परीक्षा (एसईई) को सम्पूर्ण तयारी दुधौली सिन्धुलीको दुधौली नगरपालिकामा पनि पुरा भएको छ । चैत ७ गते बिहिवार देखि १५ शुक्रवार गतेसम्म सञ्चालन हुने यस वर्षको एसईई परीक्षाको अन्तिम तयारी पुरा भएको शिक्षा शाखा दुधौलीले जनाएको छ ।
शिक्षा शाखा दुधौलीका शाखा प्रमुख हरि विश्वकर्माले भोलिदेखि सञ्चालन हुने परीक्षाको सम्पूर्ण तयारी पूरा भएको भन्दै प्रश्नपत्र र उत्तरपुस्तिका जिल्लाबाट ल्याईसकेको र प्रश्न पत्रको सुरक्षाको लागि दुधौलीका इलाका प्रहरी कार्यालय र प्रहरी चौकीहरूमा पु¥याईसकेको जानकारी दिनुभयो
“भोलिदेखि देशभर एकैसाथ सुरु हुने एसईई परीक्षा सिन्धुलीको दुधौलीमा पनि सम्पूर्ण तयारी पुरा भएको छ । पहिलो दिन अङ्ग्रेजी विषयको परीक्षा हुनेछ । भयर हित भएर ढुक्कसँग परीक्षामा सहभागी हुन सबै परीक्षार्थीलाई आह्वान गर्दछु”, शाखा प्रमुख विश्वकर्माले भन्नुभयो । दुधौली नगरपालिकाका नगर प्रमुख दिनेश अधिकारी दनुवारले “ भोलि देखि हुने परीक्षालाई शान्तिपूर्ण, मर्यादित र भय रहित वातावरणमा सम्पन्न गर्न र गराउन विद्यार्थी, शिक्षक, अभिभावक र सबै नगरवासीमा आह्वान गर्नु भएको छ ।” चैत ७ गते बिहान ८ बजेबाट ११ बजेसम्म सञ्चालन हुने परीक्षा चैत १५ गते सम्पन्न हुनेछ । । जिल्लाभरमा कुल ५ हजार ७ सय ६२ जना विद्यार्थीहरू मध्यमा दुधौली नगरपालिकामा मात्रै १ हजार दुई सय ४५ विद्यार्थीहरू परीक्षामा सहभागी हुने शिक्षा शाखाले जनाएको छ । जस मध्य दुधौलीका प्राविधिक धारका ७४ जना परीक्षार्थीहरूका लागि कमलामाई नगरपालिकाको मावि ढुंग्रेवासमा परीक्षा केन्द्र तोकिएको छ ।
यो वर्ष दुधौली नगरपालिकामा ५ वटा परिक्षा केन्द्र निर्धारण गरिएको र परीक्षा केन्द्रका केन्द्राध्यक्षका साथै सहायक केन्द्राध्यक्ष लगायत विभिन्न सरोकारवालाहरूलाई प्रशिक्षण तथा अभिमुखीकरण तालिम प्रदान गरिएको शिक्षा शाखा दुधौलीका शाखा प्रमुख विश्वकर्माले बताउनु भयो ।
