दुधौली एफएम सम्बाददाता
दुधौली (सिन्धुली), मंसिर २२- एक समय निकै विवादमा रहेको दुधौली नगरपालिकाका प्रमुख प्रशासकीय अधिकृत दिनेश राज पन्तको सरुवा प्रक्रिया रोकाउन नगरपालिकाले पत्र लेखेको छ । पालिकाले प्रमुख प्रशासकीय अधिकृत दिनेश राज पन्तको सरुवा प्रक्रिया रोक्न संघीय मामिला तथा सामान्य प्रशासन मन्त्रालयलाई आग्रह गरेको छ। नगरका प्रमुख कार्यवाहक नगर प्रमुख चन्द्रकिशोर थारुद्वारा हस्ताक्षरित पत्र कार्तिक २७ गते मन्त्रालयमा पठाइएको हो। विभिन्न सञ्चार माध्यम र अनलाइन प्लेटफर्ममार्फत पन्तको सरुवा सम्बन्धी समाचारहरू सार्वजनिक भएपछि नगरपालिकाले औपचारिक चिठीमार्फत आफ्नो आपत्ति जनाएको हो।
नियमित सरुवा गरेको पन्तको स्थानमा चितवनको राप्ती नगरपालिका,का प्रमुख प्रशासकिय अधिकृत अम्बर बहादुर ओलिलाई सिफारिस गरिएको थियो । ओलि दुधौली नगरपालिकामा आउनको लागि रमना पत्र लिएर तयारी अवस्थामा रहदा दुधौली नगरपालिकाले मौखिक तथा लिखित रुपमै दिनेसराज पन्तको बचाउ गर्दै पत्र लेखेको छ ।
नगरपालिकाका अनुसार पन्तको कार्यसम्पादन “अत्यन्तै संतोषजनक, जिम्मेवार र निष्ठापूर्वक” रहँदै आएको , उहाँको नेतृत्वमा चालू आर्थिक वर्षका कार्यक्रमहरू प्रभावकारी रूपमा अघि बढिरहेको भन्दै सरुवा भएमा नगरको विकास कार्य प्रभावित हुने नगरपालिकाको बुझाइ रहेको छ। हाल आर्थिक वर्ष २०८२/८३ का योजनाहरू कार्यान्वयनको संवेदनशील चरणमा रहेका हुँदा प्रमुख प्रशासकीय अधिकृतमा परिवर्तन हुनु उपयुक्त नहुने नगरपालिकाको तर्क छ। यसै कारण, नगरपालिकाले पन्तलाई यथास्थानमै कायम राख्न मन्त्रालयसँग अनुरोध गरेको छ। नगरपालिकाले संस्थागत स्थायित्व, सेवा प्रवाहमा निरन्तरता र विकास योजनाहरूको सफल कार्यान्वयनका लागि मन्त्रालयले सकारात्मक ध्यान दिने विश्वास व्यक्त गरेको छ। अधिकृत पन्त गत आर्थिक वर्षको अन्तिम समय असार मसान्त र नेपाली हरुको ठूलो चाडमा समेत कार्यालयमा कम आउने , आउदा पनि ढिलो आउने र कार्यपालिकाको बैठक मै मापसे गरेर आउने जस्ता आरोपमा विभिन्न संघ संस्थाले बिरोध समेत गर्दै आएको थियो ।
राष्ट्रिय तथा स्थानिय संचार माध्यमले समेत अधिकृत पन्तको कार्य सम्पादनमा खबरदार गर्दै आएको र स्थानियहरुले समेत पन्तको नियमित सरुवालई नरोक्न पालिकालाई दवाव दिदा पनि अटेर गर्नुमा स्थानियहरुले समेत संकाको दृष्टिले हेरिरहेको छ ।
