दुधौली एफ.एम. सम्बाददाता
दुधौली, सिन्धुली — बागमती प्रदेश प्रहरी तालिम केन्द्र, दुधौली नगरपालिका–१० र दुधौली नगर अस्पताल, सिर्थौली, दुधौली नगरपालिका–५ बीच पारस्परिक सहकार्यसम्बन्धी सम्झौता (MOU) मा बिहीबार हस्ताक्षर गरिएको छ।
मिति २०८२ साल भाद्र ५ गते सम्पन्न उक्त कार्यक्रममा विपद् जन्य घटना, सडक दुर्घटना तथा शान्ति सुरक्षा कायम गर्ने क्रममा उद्धार र राहत कार्यमा खटिनुपर्ने प्रहरी कर्मचारी तथा तालिमरत प्रशिक्षार्थीलाई दुधौली नगर अस्पतालमार्फत प्रदान गरिएको “स्वास्थ्य तथा घटना/दुर्घटनामा पहिलो उद्धार तथा प्राथमिक उपचार सम्बन्धी अनुशिक्षण तालिम” सफलतापूर्वक सम्पन्न भएको घोषणासहित प्रमाणपत्र वितरण गरिएको थियो।
कार्यक्रमका प्रमुख अतिथि प्रहरी वरिष्ठ उपरीक्षक तथा तालिम केन्द्रका समादेशक श्री प्रभु प्रसाद ढकाल रहेका थिए भने कार्यक्रमको अध्यक्षता दुधौली नगरपालिकाका कार्यवाहक नगर प्रमुख श्री चन्द्र किशोर थारुले गर्नुभएको थियो।
