दुधौली एफ.एम. सम्बाददाता
दुधौली/ मदन भण्डारी राजमार्ग अन्तर्गतको दुधौली सडक खण्डमा सिमेन्ट बनाउने चुन ढुङ्गा बोक्ने ट्रिफरले आतङ्क मचाएको भन्दै स्थानीयहरूले गुनासो व्यक्त गरेका छन् । सिराहाको मिर्चैयामा रहेको मारुति सिमेन्ट र धनुषाको महेन्द्र नगरमा भएको कसमस सिमेन्ट फ्याक्टरीको सिमेन्टको लागि कच्चा पदार्थ चुन ढुङ्गा बोक्ने टिफरलेको कारण दुधौली सडक खण्ड अन्तर्गत पर्ने सडक छेउका स्थानीयका साथै साँझ पख सवारी गर्ने यात्रुहरूमा बडी जोखिम र आतंकित भएको गुनासो आएको छ ।
विशेष गरी राति चल्ने यी टिफरहरूले ओभरलोड बोकेर ओभर स्पिडमा दौडने, अरूको सडक ल्यान चापेर आउने तथा मदिरा सेवन र लागु पदार्थ सेवन गरेर सवारी साधन चलाउने गरेको स्थानीयहरूको आरोप रहेको छ । स्थानीयहरूले रोकेर सोधपुछ गर्दा हामीले सबै सेटिङ मिलाएका छौँ । सडक सबैको साझा हो भन्ने जवाफ आउने गरेको स्थानीयहरूको गुनासो रहेको छ । यस विषयमा दुधौली ट्राफिक प्रहरी सँग कुरा गर्दा चासो नदेखाएको दुधौली ८ का स्थानीय पर्वत बरालले बताउनु भयो ।
हामीले टिफर धेरै नै रोक्ने प्रयास गरेका पनि हौँ । तर ठूलै राजनीतिक दलको संरक्षणमा नै चल्ने र गरेको थाहा पाए पछि फोन आउने गरेको कारण टिफर आतङ्क रोक्न सकेनौ । उहाँले भन्नु भयो ।
उता ट्राफिक प्रहरी दुधौलीका इन्चार्ज उपेन्द्र महतोका अनुसार राती टिफर चल्न पाउने र ओभर लोड मापन गर्ने साधन आफूहरू सँग नभएको भन्दै हल्का जवाफ दिनु भयो । हामीले धरै पटक टिफर चालकहरूलाई सम्झायौँ तर दुधौलीका युवा नेता पेम्बा तामाङले भन्नु भएर हामीले छाडि दिएका हौँ । उहाँको भनाई रहेको छ ।
उदयपुर कटारीबाट दैनिक रूपमा चल्ने सयौ टिफरले दुधौली बासी र यात्रुहरूले सास्ती भोगि रहेका छने । यो सँगै टिफरको छेमता भन्दा बढि ढुङ्गा बोक्नाले सडकको आयु सँगै टिफरको ढलबाट निस्किएको ढुङ्गाले लाग्ने जोखिम समेत बढेको छ । यस विषयमा सबैले समय मै ध्यान दिन जरुरी रहेको स्थानीय बुद्धिजीवीहरूको भनाई रहेको छ ।
