दुधौली एफ.एम. सम्वाददाता
सिन्धुली, चैत ३१ – सिन्धुलीको दुधौली नगरपालिका वडा नं. ५ सिर्थौलीस्थित मदन भण्डारी राजमार्ग नजिक एक अन्दाजी ६० वर्षीय पुरुषको शव मृत अवस्थामा फेला परेको छ।
इलाका प्रहरी कार्यालाय डाकाका अनुसार, २०८१ साल चैत ३१ गते बिहान करिब ७:०० बजे राजमार्गको दक्षिणपट्टि करिब १८ फिट तल खेत नजिक शव फेला परेको हो। पुरुषको शव घोप्टो परेको अवस्थामा भेटिएको र हालसम्म उनी कसको र काहाँको हुन भन्ने बारेमा पहिचान खुल्न नसकेको जनाइएको छ।
मृतकले शिरमा ढाका टोपी, कालो इस्ट कोट, सेतो सर्ट, खरानी रङको ट्राउजर, निलो चप्पल लगाएको साथै, उनीसँगै कालो झोला समेत फेला परेको छ, जसमा अन्य लुगा पनि रहेको इलाका प्रहरी कार्यालाय डाकाकाले जनाएको छ ।।
हाल शव सिर्थौली नगर अस्पतालमा सुरक्षित रूपमा राखिएको छ। मृतकको पहिचान खुलाउन प्रहरीले आम सर्वसाधारणलाई सहयोगको अपिल गरेको छ। यदि कसैलाई सो व्यक्तिबारे जानकारी भएमा नजिकको प्रहरी कार्यालयमा सम्पर्क गर्न अनुरोध गरिएको छ।
