दुधौली एफएम सम्बाददाता
दुधौली/ सिन्धुलीको कमलामाई नगरपालिका–६ धुराबजारमा मट्टितेल÷पेट्रोलबाट भएको आगलागीमा एक महिलाको मृत्यु भएको छ भने एक जना घाइते भएका छन् ।
आज पुस ६ गते आईतबार दिउँसो करिब ४ः३० बजे स्थानीय ६२ वर्षीय दुर्गामान बम्जनको साढे २ तले घरको बीच तल्लामा रहेको भान्सा कोठाभित्र मट्टितेल÷पेट्रोलबाट आगलागी भएको जिल्ला प्रहरी कार्यालय सिन्धुलीले जनाएको छ । आगलागीका क्रममा दुर्गामान बम्जनकी ३२ वर्षीया बुहारी सुसिला बम्जनको घटनास्थलमै मृत्यु भएको प्रहरीले जनाएको छ ।
घटनामा घरधनी दुर्गामान बम्जनको दाहिने हात, दाहिने खुट्टा तथा ढाडमा गम्भीर जलन भएको छ । जलनको अवस्था मध्यम रहेको र बोल्न सक्ने अवस्थामा रहेका उनलाई उपचारका लागि जिल्ला अस्पताल सिन्धुली पठाइएको छ।
घटनाबारे स्थानीयवासीमार्फत जानकारी प्राप्त हुनासाथ जिल्ला प्रहरी कार्यालय सिन्धुलीबाट प्रहरी उपरीक्षक लालध्वज सुवेदीको कमाण्डमा १५ जनाको टोली घटनास्थलमा खटिएको थियो । प्रहरी टोली करिव ४ बजेु ४५ मिनेटको समयमा घटनास्थलमा पुगेर मुचुल्का उठाउने लगायत घटनासम्बन्धी थप अनुसन्धान कार्य गरिरहेको प्रहरीले जनाएको छ।
सिन्धुलीबाट करिब ३ किलोमिटर उत्तर–पूर्वमा पर्ने घटना स्थलको घटना बारेमा थप अनुसन्धान भई रहेको प्रहरी उपरीक्षक लालध्वज सुवेदीले जनाउनु भएको छ ।
