दुधौली एफ.एम. सम्बाददाता
सिन्धुली– नेपाल शिक्षक महासङ्घ दुधौली नगर समितिले आज शुक्रबार दुधौली नगरपालिका कार्यालय अगाडि धर्ना दिएको छ । “अधिकार र कर्तव्यका लागि शिक्षक एकता” भन्ने नारासहित आयोजित कार्यक्रममा सहभागी शिक्षकहरूले सरकारलाई विगतका सहमति कार्यान्वयन गर्न दवाव दिएका दिदै धर्ना दिएको हो ।
धर्ना कार्यक्रममा राखिएका प्रमुख मागहरूमा अस्थायी शिक्षकलाई ७५ प्रतिशत आन्तरिक प्रतिस्पर्धाबाट स्थायी गर्नुपर्ने, गोल्डेन ह्यान्डसेक अन्तर्गत दिइने रकम किटान गर्नुपर्ने, स्थायी शिक्षकको आवधिक बढुवा सुनिश्चित गर्नुपर्ने, स्थायी हुँदा अस्थायी सेवाको अवधि गणना गर्नुपर्ने लगायतका विषयहरु समावेश गरेका छन् । साथै विद्यालय कर्मचारी र बालशिक्षकको पद–वेतन, निजी विद्यालयका शिक्षकको सेवासुविधा सुनिश्चितता, प्रधानाध्यापकलाई ट्रेड युनियन अधिकार दिने तथा शिक्षण काउन्सिल गठनको माग पनि गरिएको छ ।
महासङ्घका अनुसार बिक्रम संम्बत २०७५, २०७८ र २०८० सालमा क्रमशः ३०, ५१ र ६ बुँदे सहमति भए पनि ती सहमति अझै पूर्ण कार्यान्वयनमा आउन सकेका छैनन् । गत वर्षको आन्दोलनमार्फत २०८२ वैशाख १७ गते सरकारले ८ बुँदे निर्णय गरे पनि अझै कार्यान्वयन नभएकोमा महासङ्घले असन्तुष्टि जनाएको छ ।
यस्तै हालै समितिबाट प्रतिनिधि सभामा दर्ता भएको विद्यालय शिक्षा विधेयकले शिक्षक–कर्मचारीको भावना, विगतका सहमति र अपेक्षा बेवास्ता गरेको भन्दै महासङ्घले आपत्ति जनाएको छ ।
नेपाल शिक्षक महासङ्घ दुधौली नगर समितिले चेतावनी दिंदै भनेको छ, “यदि सरकारले हाम्रो हकहित विपरीत जाने प्रावधान ल्यायो भने हामी फेरि संघर्षको बाटोमा उत्रिन बाध्य हुनेछौँ ।” यो कगाडी नै सरकारको आखाँ र कान खुलोस , यस पछि शिक्षण क्षेत्रमा हुने क्षेतिको जिम्मा सरकाले लिनु पर्छ । आन्दोलनरत शिक्षकहरुको भनाई रहेको छ ।
