सिन्धुली — सिन्धुली जिल्लाको दुधौली नगरपालिका–९ निवासी २८ वर्षीय सन्देश स्याङ्तान क्यान्सर जस्तो घातक रोगसँग संघर्षरत रहेका छन्। हाल उनी भारतको Rajiv Gandhi Cancer Institute and Research Centre मा उपचाररत छन्।
सन्देशका बुबा नयनबहादुर स्याङ्तानले सामाजिक सञ्जाल फेसबुकमार्फत छोराको उपचारका लागि आर्थिक सहयोगको अपिल गर्नुभएको हो। उनले “समय सधैं एकनास नहुँदो रहेछ” भन्दै सानो सहयोगले पनि छोराको जीवन बचाउन ठूलो सहारा मिल्ने उल्लेख गर्नुभएको छ।
परिवारका अनुसार उपचारमा ठूलो आर्थिक खर्च लाग्ने भएकाले सबै इष्टमित्र, आफन्त तथा सहयोगी मनहरूलाई सकेजति आर्थिक सहयोग गरिदिन अनुरोध गरिएको छ। साथै, सहयोग अभियानलाई बढीभन्दा बढी मानिससम्म पुर्याउन सामाजिक सञ्जालमार्फत सेयर गरिदिन समेत आग्रह गरिएको छ।
परिवारले सबैको साथ, सहयोग र सद्भावले सन्देशले पुनर्जन्म पाउने विश्वास व्यक्त गरेको छ।
