दुधौली एफ.एम. संवाददाता
९ साउन, काठमाडौं – बागमती प्रदेशसभामा नेपाली कांग्रेसभित्र ठूलो शक्ति संघर्ष सुरु भएको छ। कांग्रेस संसदीय दलका नेता तथा मुख्यमन्त्री बहादुरसिंह लामाविरुद्ध आइतबार अविश्वासको प्रस्ताव दर्ता भएको हो।
प्रदेशसभामा कांग्रेसका ३७ मध्ये २१ जना सांसदले लामाको नेतृत्व अस्वीकार गर्दै प्रदेश संसदीय दलको कार्यालयमा अविश्वास प्रस्ताव दर्ता गरेका हुन्। प्रस्तावमा हस्ताक्षर गर्ने सांसदहरूमध्ये चार जना आइतबारकै दिन मन्त्री पदबाट राजीनामा दिएका छन्।
अविश्वास प्रस्तावमा अग्रणी भूमिका
अविश्वास प्रस्ताव बागमती प्रदेश कांग्रेसका सभापति इन्द्र बानियाँको अगुवाइमा दर्ता गरिएको हो। लामाविरुद्धको यो कदम पार्टीभित्र देउवा, गगन थापा र प्रकाशमान सिंह पक्षधर सांसदहरूको पहलमा आएको मानिएको छ।
हस्ताक्षर गर्ने सांसदहरू
इन्द्र बानियाँ, शिवराज अधिकारी, कञ्चनचन्द्र वादे, दिपेन्द्र श्रेष्ठ, पुकार महर्जन, विन्दु रायमाझी पौडेल, यमुनादेवी श्रेष्ठ, माया श्रेष्ठ, उर्मिला नेपाल, शान्ता ढकाल, प्रभात तामाङ, छिरिङ दोर्जे लामा, मीना पराजुली, याङ्किला शेर्पा, मीनकृष्ण महर्जन, विमल ठकुरी, यदुकुमार श्रेष्ठ, सुरजचन्द्र लामिछाने, सुरेश श्रेष्ठ, श्रीराम लामिछाने र सुना परियार।
अब के हुन्छ?
लामालाई पदमुक्त गर्न बहुमत आवश्यक पर्नेछ। अविश्वास प्रस्ताव प्रदेशसभाको आगामी बैठकमा छलफल गरिने बताइएको छ। यस घटनाले बागमती प्रदेशमा कांग्रेसभित्र शक्ति समीकरण फेरबदल हुने संकेत दिएको छ।
