दुधौली एफ.एम. सम्बाददाता
सिन्धुली, दुधौली – दुधौली नगरपालिका–१ गिचिहानीमा सनिवार दिउँसो आएको आकस्मिक बाढीले एक जना घाइते हुनुका साथै १० वटा घरमा क्षति पुगेको छ ।
जिल्ला प्रहरी कार्यालय सिन्धुलीका अनुसार आज दिउँसो करिब ३ः४५ बजे आएको बाढीका कारण स्थानीय ५८–५९ वर्षीया भद्रकुमारी दनुवार घाइते भएकी छिन् । उनलाई प्रहरीको उद्धार टोलीले सुरक्षित उद्धार गरी दुधौली नगर अस्पताल सिर्थौली पठाइएको छ । घाइतेको अवस्था मध्यम रहेको जनाएको छ ।
बाढीले स्थानीय बासिन्दाहरुको घर डुवानमा पर्दा ठूलो क्षति पुगेको छ । आज आएको वडीको कारण प्रभावित घरहरु यसप्रकारमा भद्रकुमारी दनुवारको काठको टायलको छानो भएको घर र गाईगोठमा क्षेति पुगेको छ । बाडिको कारण घरमा क्षेतिहुने हरुमा ध्यानवती कुमर दनुवारको चार कोठाको एकतले पक्काघर, बुद्धलाल कुमर दनुवारको चार कोठाको एकतले पक्काघर, आशा अधिकारी दनुवारको चार कोठाको एकतले पक्काघर, लक्ष्मी कुमर दनुवारको चार कोठाको एकतले पक्काघर, वृजलाल कुमर दनुवारको चार कोठाको एकतले पक्काघर र केदार गिरीको चार कोठाको एकतले पक्काघरमा क्षेति पुगेको प्रहरीले जनाएको छ ।
यसैगरी सङ्गीता थापाको काठको टायलको छानो भएको घर, शिवनाथ दनुवारको काठको टायलको छानो भएको घर र निशा दनुवारको काठको टायलको छानो भएको घरमा क्षेति पुगेको छ । उद्धार कार्यमा इलाका प्रहरी कार्यलयका प्रहरी निरीक्षक सिमोन धितालको कमाण्डमा १० जनाको टोली खटिएको थियो ।
