दुधौली एफ.एम. सम्वाददाता
दुधौली, साउन १८ — बागमती प्रदेशका मुख्यमन्त्रीले आन्तरिक दलगत समस्याका कारण पदबाट राजीनामा दिएका छन्। नेपाली काँग्रेस र नेकपा एमालेको संयुक्त समर्थनमा २०८१ साउन ८ गते मुख्यमन्त्रीमा नियुक्त भएका उनले पदमा रहेर गुणस्तरीय सेवा प्रवाह, सुशासन, नीतिगत सुधार, दिगो विकास तथा समृद्धिको दिशामा निरन्तर काम गरेको बताए। पार्टीभित्रको आन्तरिक समस्या र अन्य विविध कारणहरूले गर्दा आफूले पद त्याग गर्नुपरेको उनले स्पष्ट पारेका छन्। राजीनामा पत्रमार्फत उनले सत्ता पक्ष र प्रतिपक्षका नेताहरू, मन्त्री परिषद्का सदस्यहरू, प्रदेश सभा सदस्यहरू, प्रमुख सचिव, मन्त्रालयका सचिवहरू, पार्टी कार्यकर्ता, राष्ट्रसेवक कर्मचारी, पत्रकार, सुरक्षाकर्मी तथा सचिवालयमा कार्यरत सबैलाई सहयोगका लागि आभार व्यक्त गरेका छन्। मुख्यमन्त्रीको राजीनामापछि बागमती प्रदेशको राजनीतिक परिदृश्यमा नयाँ समीकरण बन्ने संकेत देखिएको छ।
