सर्मिला कटुवाल , प्रशिक्षार्थी पत्रकार
सिन्धुली १७,असार २०८२
— शैक्षिक गुणस्तरको नाममा दुधौली नगरपालिकाभित्रका कतिपय संस्थागत विद्यालयहरूले विद्यार्थीमाथि अत्यधिक मानसिक र शारीरिक दबाब सिर्जना गरिरहेको अभिभावकहरूको गुनासो छ ।
बिहान सबेरै ५ बजेबाट विद्यालयको बसले विद्यार्थीहरूलाई उठाउने, दिनभरी कक्षामा तातो घाममा पढ्न बाध्य बनाउने र पुनः २ देखि ३ घण्टासम्म कोचिङ कक्षामा बस्नुपर्ने तालिका अभिभावकहरूका लागि चिन्ताको विषय बनेको छ ।
बिहान ५ बजे उठेर साँझको ७ बेलुका घर फर्कने, खाना खान नपाउँदै थाकेर सुत्ने – यस्तो तालिकामा मेरा छोरा छेरीहरूले कहिले खेल्ने, कहिले रमाउने अनि कहिले स्वतन्त्र सोच्ने? — एक चिन्तित अभिभावकले नाम नखुलाउने शर्तमा बताउनुभयो । कति पटक त फोन गरेरै कुरा गरेर भनेका छौ । उहाँले थप भन्नुभयो, सिधै गुनासो गरौँ भने विद्यालयले अझ बढी मानसिक दबाब दिन्छ कि भन्ने डर पनि छ। विद्यार्थी आजकल टाईमिङ मोसिन जस्तै भएका छन् ।
दुधौलीका बौद्धिक जमातले समेत शिक्षाको नाममा बौद्धिक तनाव नथोपर्न विद्यालयहरूलाई आग्रह गरेका छन्। आँखा चिम्म गरेर पैसा तिरेर गुणस्तरको नाममा आफ्ना छोराछोरीलाई थिचोमिचो गर्नु बुद्धिमानी होइन, उनीहरूको धारणा छ ।
तर अर्को तर्फ, दुधौलीका कतिपय संस्थागत विद्यालयहरूले भने आफूहरूले अभिभावकहरूको सल्लाह र सहमतिमै पठनपाठनको तालिका बनाएको जिकिर गरेका तन् । विद्यालय प्रशासनको तर्क अनुसार, हामी गुणस्तरीय शिक्षा दिन चाहन्छौँ, त्यसका लागि अतिरिक्त कक्षा आवश्यक हुन्छ भन्ने अभिभावककै चाहना अनुसार कोचिङ कक्षा सञ्चालन गरेका हौँ । सनराईज इङ्ग्लिस बोर्डिङ स्कुलका प्रिन्सिपलले बताउनु भयो ।
यो विषयमा व्यापक संवाद र पुनः मूल्याङ्कन आवश्यक देखिएको र शिक्षाको उद्देश्य विद्यार्थीलाई ‘पढ्न सक्ने’ मात्र हैन, ‘बाँच्न सक्ने’ बनाउनु हो भन्ने दृष्टिकोणलाई बिर्सन नहुने अभिभावकहरूको भनाई रहेको छ ।
